माझगाव यार्डातील कामांमुळे तीन एक्स्प्रेसच्या संरचनेत बदल सकाळ वृत्तसेवा मुंबई, ता. ९ : मध्य रेल्वेच्या माझगाव यार्ड येथे वॉशिंग पीट दुरुस्ती आणि देखभाल करण्यासाठी ब्लॉक घेण्यात येणार आहे. या ब्लॉकमुळे एकूण तीन एक्स्प्रेसच्या संरचनेत बदल करण्यात आला आहे. १० जानेवारी ते २५ फेबुवारीदरम्यान एका द्वितीय श्रेणीचा आसन डबा कमी करून तीन एक्स्प्रेस धावणार आहेत. त्यामुळे कोकणातील आणि मराठवाड्यातील प्रवाशांना एक डबा कमी असल्याने गैरसोय होण्याची शक्यता आहे. मुंबई ते लातूर एक्स्प्रेस (गाडी क्रमांक २२१०७) १० जानेवारीपासून ते २४ फेब्रुवारीपर्यंत आणि लातूर - मुंबई एक्स्प्रेस (२२१०८) ११ जानेवारीपासून ते २५ फेब्रुवारीपर्यंत एक द्वितीय श्रेणीचा आसन डबा कमी केला आहे. मुंबई ते बिदर एक्स्प्रेस (२२१४३) १२ जानेवारी ते २३ जानेवारीपर्यंत आणि बिदर ते मुंबई एक्स्प्रेस (२२१४४) १३ जानेवारी ते २४ फेब्रुवारीपर्यंत एक द्वितीय श्रेणीचा आसन डबा कमी केला आहे. दादर-सावंतवाडी रोड-दादर तुतारी एक्स्प्रेस (११००३/११००४) १० जानेवारी ते २४ फेब्रुवारीपर्यंत एक द्वितीय श्रेणीचा आसन डबा कमी केला आहे.