पिण्याच्या पाण्यात घाणीचे पाणी चुनाभट्टीत टॅंकर चालकाचा प्रताप चेंबूर, ता. १० (बातमीदार) ः चुनाभट्टी येथील एव्हरार्डनगरजवळील भुयारी मार्गातील साचलेले पाणी बाहेर फेकणाऱ्या पंपातील घाण पाणी, चालक पिण्याचे पाणी पुरवठा करणाऱ्या खासगी टँकरमध्ये भरत असल्याचा धक्कादायक प्रकार समोर आला आहे. आज सकाळी ठीक सहा वाजण्याच्या सुमारास हा प्रकार घडला. काही दक्ष नागरिकांनी जाब विचारला असता चालक टँकर घेऊन पसार झाला. या टॅंकरवर कारवाई करण्याची मागणी नागरिकांनी केली आहे. टॅंकर मालक व चालकांवर कारवाई करणे गरजेचे आहे, समाजसेवक जितेंद्र जाधव यांनी म्हटले आहे. एफ साऊथ वैद्यकीय अधिकारी नीलेश पालवे यांना विचारले असता, त्यांनी याबद्दल कल्पना नाही. माहिती द्या, चौकशी करतो, असे सांगितले. ...