मानखुर्दमध्ये मुलांसाठी लसीकरण केंद्र हवे! मानखुर्द, ता. ११ (बातमीदार) ः मानखुर्द-शिवाजीनगर विधानसभा क्षेत्रामध्ये लहान मुलांसाठी लसीकरण केंद्र सुरू करण्याची मागणी महाराष्ट्र नवनिर्माण सेनेने केली आहे. सोमवारी (ता.१०) मनसेचे मानखुर्द-शिवाजीनगर विधानसभा उपाध्यक्ष सतीश वैद्य यांनी या मागणीचे पत्र परिमंडळ पाचच्या पालिका उपायुक्तांना दिले. कोरोनाची तिसरी लाट येत असल्याचे चित्र दिसत आहे. त्याआधीच बहुतेक नागरिकांनी दोन लशी घेतल्या असल्यामुळे या लाटेचा परिणाम कितपत होईल याविषयी आडाखे बांधले जात आहेत. या अनुषंगाने महापालिकेने लहान मुलांचे लसीकरणदेखील मुंबईतील विविध केंद्रांवर सुरू केले आहे. एम पूर्व विभागातील मुलांना लस घेण्यासाठी चुनाभट्टी येथील सौमय्या मैदान पालकांसह गाठावे लागत आहे. तो त्रास कमी होऊन अधिक जलदगतीने मानखुर्द-शिवाजीनगर परिसरात लहान मुलांचे लसीकरण व्हावे या उद्देशाने मनसेने या परिसरातच लसीकरण केंद्र सुरू करण्याची मागणी केली आहे. ...