गोरेगावच्या विपश्यना केंद्राचे लोकार्पण गोरेगाव, ता. ११ (बातमीदार) ः गोरेगाव पूर्वेला असणारी २०१३ पासून महापालिकेकडे हस्तांतरित झालेली वेल्फेअरची इमारत विनावापर पडून होती. या वास्तूत धम्म पट्ट्ना विपश्यना ट्रस्टच्या माध्यमातून सुरू होणाऱ्या विपश्यना केंद्राचा लोकार्पण सोहळा भाजप नेते आमदार आशीष शेलार यांच्या हस्ते रविवारी पार पडला. प्रीती सातम यांच्या पाठपुराव्यामुळे हे काम झाले. या विपश्यना केंद्राचा माध्यमातून चालणाऱ्या ध्यानधारणा तसेच अन्य उपक्रमाचा लाभ परिसरातील नागरिकांना घेता येईल. आशिष शेलार यांनी सध्याच्या कोरोनाचा वाढता प्रादुर्भाव बघता मानसिक आणि शारीरिकदृष्ट्या सर्वांना या साधनेचा फायदा होईल, रहिवाशांनी येथे केंद्रात येऊन विपश्यना करावी, असे आवाहन केले. पूर्वजांपासून चालत आलेल्या या योगसाधनेमुळे जीवनात आमूलाग्र बदल होतो, हे सिद्ध झाले असल्याचे नगरसेविका सातम यांनी सांगितले. ...