फुटलेल्या जलवाहिनीची दुरुस्ती बदलापूर, ता. ११ (बातमीदार) : बदलापूर पश्चिमेकडील आशीर्वाद हॉस्पिटलजवळची जलवाहिनी फुटल्याची बातमी ‘सकाळ’ वृत्तपत्रात प्रसिद्ध झाली होती. महाराष्ट्र जीवन प्राधिकरणाने या बातमीची दखल घेत या फुटलेल्या जलवाहिनीच्या दुरुस्तीचे काम अखेर आज पूर्ण केले. या वेळी उपविभागीय अधिकारी अभियंता राम देगावकर स्वतः उपस्थित होते. या वेळी समाजसेविका संदीपा नवगिरे यांनीदेखील या कामाची पाहणी केली. याच परिसरातील साई अंगण सोसायटीमध्ये होणाऱ्या पाण्याच्या टंचाईबद्दल देगावकर यांच्याशी चर्चा केली. या सोसायटीमधील पाणी पुरवठ्यात येणारी अडचण लवकरच मार्गी लावण्यात येईल, असे आश्वासन दिले.