नवीन सहकारी संस्थांची नोंदणी थांबवा वाडा, ता. ११ (बातमीदार) : पालघर जिल्ह्यात सद्यःस्थितीत ११७ मजूर, कामगार सहकारी संस्था कार्यरत आहेत. या संस्थांना गेली अनेक वर्षे कामे मिळत नसल्याने त्या कामाविना पडून आहेत. पालघर जिल्ह्यात नवीन मजूर सहकारी संस्थांची नोंदणी सुरू आहे. ती तात्काळ थांबवण्यात यावी, अशी मागणी करणारे पत्र विभागीय संचालक कोकण भवन यांना मजूर कामगार सहकारी संस्थांनी पाठविले आहे. सरकारच्या नवीन धोरणानुसार ई-टेंडरिंगमुळे बरीचशी कामे ही मोठ्या रकमेची काढली जातात. त्यामुळे मजूर कामगार सहकारी संस्थांना अंदाजित दराने १० लाखांपर्यंतची कामे मिळतात. त्यामुळे गेल्या काही वर्षांपासून अनेक मजूर कामगार सहकारी संस्थांना काही काम नाही.