वसईत कराटेपटूंचा शिवसेनेतर्फे सत्कार वसई (बातमीदार) : वसई पूर्वेतील वालीव शिवसेना शाखेच्या १६ व्या वर्धापन दिनानिमित्त विविध उपक्रम राबवण्यात आले. या वेळी मार्शल आर्ट ट्रेनिक स्कूलतर्फे आयोजित कराटे स्पर्धेत सुवर्ण, रौप्य, कास्य अशा एकूण १८ पदकविजेत्यांचा माजी नगरसेवक प्रफुल पाटील यांच्या हस्ते सत्कार करण्यात आला. या वेळी शाखेच्या माध्यमातून केलेल्या समाजोपयोगी कामांचा आढावाही घेण्यात आला. या कार्यक्रमाला जिल्हा महिला संघटक किरण चेंदवणकर, माजी विरोधी पक्षनेता विनायक निकम, गोविंद पाटील, नंदकुमार राणे, नामदेव पाताडे, कुमार दुतेकर, पांडुरंग गुरव, अजित पाटील, जगदीश धनगर आदी उपस्थित होते.