मुंबई : कोविड लशीचे डोस (corona vaccination dose) घेण्यासाठी काही जण आडमुठेपणा करत आहेत. काही जण ॲलर्जीचे कारण पुढे करत आहे. मात्र सर्व नागरिकांनी लस घेणे आवश्‍यक आहे. अन्यथा साथ नियंत्रण कायदा लागू करून लस घेणे बंधनकारक करावे लागेल, असा इशारा महापौर किशोरी पेडणेकर (kishori pednekar) यांनी दिला. (Mumbai Mayor kishori pednekar statement on corona vaccination compulsion)

तसेच लशींचा पुरवठाही वाढणे गरजेचे असल्याचे त्यांनी नमूद केले. दोन डोसमधील अंतरही कमी करण्याची गरज असल्याचे महापौरांनी सांगितले. नवयुवकांमध्ये लसीकरणाला अद्याप अपेक्षित पाठिंबा मिळत नाही. महापालिकेने आता लसीकरण केंद्रांचीही संख्या वाढवली आहे, असेही त्यांनी सांगितले.