ठाणे : कोरोना प्रतिबंधक लसीचा (corona vaccination) कोणताही डोस न घेता नागरिकांना अवघ्या ७०० रुपयांत दोन्ही डोस घेतल्याचे बनावट प्रमाणपत्र (fake certificate) तयार करून विकणाऱ्या तरुणास अटक (culprit arrested) करण्यात आली आहे. नालासोपारा, वसई रोड येथील सौरभ बजरंगी सिंग (वय १९) याला ठाणे खंडणीविरोधी पथकाने जेरबंद केले. त्याने अनेक नागरिकांना बनावट प्रमाणपत्र देत १५ हजार रुपये घेतल्याचे तपासात उघड झाले आहे. (Culprit arrested in fake vaccination certificate selling crime)

कोरोनाचा प्रादुर्भाव वाढत असल्याने अनेक ठिकाणी कोविड प्रतिबंधक लसीच्या प्रमाणपत्राची आवश्‍यकता भासत आहे. नागरिकांनी लसीकरण करून घ्यावे, असेही आवाहन प्रशासनाकडून करण्यात येत आहे; मात्र सौरभ सिंग हा नागरिकांना ७०० रुपयांत बनावट कोविड लसीकरण प्रमाणपत्र देत होता. याबाबत राबोडीतील फजलुर रहेमान शेख यांनी ठाणे नगर पोलिस ठाण्यात तक्रार दाखल केली होती. याप्रकरणी पोलिसांनी गुन्हा नोंदवून सौरब सिंग याला अटक केली. पुढील तपास खंडणीविरोधी पथकाचे पोलिस निरीक्षक एस. आर. हुबे हे करीत आहेत.