मुंबई : २०२१ मध्ये राज्याला चक्रीवादळे, अतिवृष्टी, भूस्खलन आणि दुष्काळासारख्या नैसर्गिक आपत्तींचा (Natural calamities) मोठ्या प्रमाणात सामना करावा लागला. त्यात मोठ्या प्रमाणात मालमत्तेचे नुकसान आणि जीवितहानी झाली. गेल्या वर्षभरात ३४० व्यक्तींचा अशा प्रकारच्या संकटात मृत्यू झाल्याची (people death) माहिती हवामान विभागाचे संचालक (पुणे विभाग) के. एस. होसाळीकर (k s hosalikar) यांनी एका ट्विटद्वारे दिली आहे. २०२१ मध्ये पाच उष्णकटिबंधीय चक्रीवादळे उत्तर हिंद महासागरात (Hindi ocean) तयार झाली. शिवाय बंगालच्या उपसागरावर तीन आणि अरबी समुद्रावर दोन चक्रीवादळे झाली. (three hundred and fourty people died due to natural calamities)

त्या व्यतिरिक्त अत्यंत मुसळधार पावसामुळे पूर, भूस्खलन, वीज पडणे, गडगडाट, दुष्काळ इत्यादी दुर्घटनाही राज्याच्या विविध भागांत घडल्या. भारतीय हवामान विभागाने २०२१ मधील तापमान आणि पावसाच्या हंगामाबाबतचा आपला वार्षिक अहवाल जाहीर केला आहे. त्यानुसार २०२१ मध्ये भारतातील वार्षिक सरासरी जमिनीच्या पृष्ठभागावरील हवेचे तापमान सरासरीपेक्षा ०.४४ अंश सेल्सिअसने जास्त होते.

१९०१ मध्ये देशव्यापी नोंदी सुरू झाल्यापासून २०२१ हे पाचवे सर्वात उष्ण वर्ष ठरले. तथापि, २०१६ मध्ये भारतात आढळलेल्या सर्वाधिक तापमानवाढीपेक्षा ते कमी आहे. २०२१ हे पाचवे सर्वांत उष्ण वर्ष १९९७ पासून देशातील तापमान सरासरीच्या तुलनेत वाढलेलेच दिसून येत आहे. सुमारे २५ वर्षांच्या कालावधीत एकदाही वार्षिक तापमान सरासरीच्या खाली नोंदविले गेले नसल्याचे १९०१ पासूनच्या नोंदीवरून स्पष्ट होते. १२० वर्षांमध्ये २०२१ हे पाचवे सर्वांत उष्ण वर्ष ठरले आहे.