शिक्षक संघटनांचा अधिवेशनांवर जोर मुंबई, ता. १५ : काही शिक्षक संघटनांनी अधिवेशनासाठी आयोजन सुरू केले आहे. महाराष्ट्र राज्य शिक्षक परिषदेचे १२ फेब्रुवारी रोजी परळ येथील दामोदर हॉलमध्ये वार्षिक अधिवेशन होत आहे. या अधिवेशनाला मुंबई, ठाणे, पालघर, रायगड जिल्ह्यातून सुमारे ५ हजारांहून अधिक शिक्षक आण‍ि शिक्षकेतर कर्मचारी उपस्थित राहण्याची शक्यता आहे. राज्यातील शाळा कोरोनामुळे बंद आहेत. सर्व ठिकाणी ऑनलाईन शिक्षण सुरू आहे. अशा काळात शिक्षक संघटनांकडून वार्षिक अधिवेशने आयोजित करणे चुकीचे असल्याचे मत तज्ज्ञांनी व्यक्त केले. याच कालावधीत बारावीच्या तोंडी प्रात्यक्षिक परीक्षा सुरू होणार असल्याने त्याचेही परिणाम विद्यार्थ्यांवर होणार आहेत. त्यामुळे अशा प्रकारची अधिवेशने ही परीक्षा आणि त्या कालावधीनंतर आयोजित केली जावीत, अशी मागणीही केली जात आहे. ...