डोंबिवली : गोळवली येथील सेव्हन स्टार लेडीज बारवर (seven star dance bar) गुरुवारी रात्री पोलिसांनी धाड टाकत कारवाई केली. या वेळी बारमालकासह महिला वेटर, ग्राहक अशा एकूण २२ जणांविरोधात (culprit arrested) पोलिसांनी गुन्हा दाखल (Police FIR on culprits) करत अटक केले. कल्याण-शीळ रोडवरील मानपाडा पोलिस ठाण्याच्या हद्दीत लेडीज सर्व्हिस व आर्केस्ट्राच्या नावाखाली लेडीज बार सुरू आहेत.

गोळवली येथील सेव्हन स्टार लेडीज सर्व्हिस बारमध्ये लेडीज सर्व्हिसच्या नावाखाली अश्‍लील गोष्टी सुरू असल्याची तक्रार मानपाडा पोलिसांकडे आली होती. मानपाडा पोलिस ठाण्याचे वरिष्ठ पोलिस निरीक्षक शेखर बागडे यांच्या मार्गदर्शनाखाली पोलिस पथकाने गुरुवारी रात्री बारवर धाड टाकली.

या वेळी नृत्य करीत अश्लील हावभाव करताना महिला वेटर आढळून आल्या. १० महिला वेटर, सात ग्राहक, तीन पुरुष वेटर, एक म्युझिक ऑपरेटर यांसह बारमालक अशोक पंडा (वय ४१) यांच्यावर कारवाई करत त्यांना अटक करण्यात आली. पोलिस शिपाई रत्नदीप चौधरी यांच्या फिर्यादीवरून मानपाडा पोलिस ठाण्यात गुन्हा दाखल करण्यात आला आहे.