राष्ट्रवादीच्या कार्यकर्त्यांचा काँग्रेसमध्ये प्रवेश भिवंडी, ता. २४ (बातमीदार) ः भिवंडी राष्ट्रवादी काँग्रेस पक्षाचे शहराध्यक्ष शोएब (गुड्डू )खान यांच्या मनमानी कारभाराला कंटाळून पक्षातील निष्ठावंत पदाधिकारी व कार्यकर्त्यांनी काँग्रेस पक्षामध्ये प्रवेश केला आहे. राष्ट्रवादी काँग्रेस पक्षाचे ज्येष्ठ नेते भिवंडी उपाध्यक्ष बलवीर सिंग वालीया, जईम बनारसी, जावेद फारूकी, इशत्याक अन्सारी, नदीम खटामीटी, अकिल बडी यांच्यासह शेकडो कार्यकर्त्यांनी काँग्रेस पक्षाचे प्रदेशाध्यक्ष नाना पटोले यांच्या उपस्थितीत प्रवेश केला. यावेळी भिवंडी काँग्रेस पक्षाचे अध्यक्ष रशिद ताहीर मोमीन, माजी महापौर जावेद दळवी, माजी सभापती प्रदीप राका, शकील पापा आदी मान्यवर यावेळी उपस्थित होते.