डॉक्टरांचा राज्यपालांच्या हस्ते गौरव डोंबिवली, ता. १ ः कोरोना काळात नागरिकांची सेवा करणाऱ्या आणि त्यांचे जीव वाचविणाऱ्या डोंबिवलीतील आर. आर. रुग्णालयातील डॉक्टरांचा राज्यपाल भगतसिंग कोश्यारी यांच्या हस्ते नुकताच सन्मान करण्यात आला. रुग्णालयातील डॉ. अमीर कुरेशी आणि डॉ. भरत तिवारी यांना कोरोनायोद्धा म्हणून राज्यपालांच्या हस्ते सन्मानित करण्यात आले आहे. कोविड काळात रुग्णांची केलेली उत्कृष्ट कामगिरी सेवा लक्षात घेता हॉस्पिटलचे डॉ. अमीर कुरेशी आणि डॉ. भरत तिवारी यांना कोरोनायोद्धा म्हणून सन्मानित करण्यात आले. प्रजासत्ताक दिनी राज्यपाल भगतसिंह कोश्यारी यांच्या हस्ते हा पुरस्कार देऊन डॉक्टरांना सन्मानित करण्यात आले. याआधीही कल्याण डोंबिवली महापालिकेतर्फे आयुक्त डॉ. विजय सूर्यवंशी यांच्या हस्ते रुग्णालयाचा सन्मान करण्यात आला होता.