वसई-विरारमध्ये आज कमी दाबाने पाणी वसई, ता. ३१ (बातमीदार) ः वसई-विरार महापालिका हद्दीत पाणीपुरवठा करणाऱ्या सूर्या धरणाच्या जुन्या योजनेची जलवाहिनी ढेकाळे येथे फुटल्याने पाणी विभागाने दुरुस्तीचे काम हाती घेतले आहे. परिणामी सोमवारी (ता. ३१ ) शहराला होणारा पाणीपुरवठा बंद करण्यात आला. दुरुस्ती काम सुरू असल्याने मंगळवारी (ता. १) अनियमित व कमी दाबाने पाणी मिळणार आहे, अशी माहिती पालिका प्रशासनाने दिली. सूर्या योजनेची जलवाहिनी अनेकदा नादुरुस्त होते. याचा परिणाम पाणीपुरवठ्यावर होत असल्याने नागरिकांच्या त्रासात भर पडत आहे.