मोखाडा : मोखाड्यातील वैतरणा नदीपात्रावर (vaitarana river) लाकडाचा ओंडका टाकून जीव मुठीत धरून, सावर्डेसह अन्य गावातील स्थानिक पायपीट (people life in danger) करत आहेत. या घटनेची ‘सकाळ’ने बातमी प्रसिद्ध केल्यानंतर पर्यावरण व पर्यटन विकास मंत्री आदित्य ठाकरे (Aditya Thackeray) यांनी दखल घेतली आणि या भागाच्या विकासाची चक्रे फिरू लागली.

येथे तातडीने तात्पुरत्या स्वरूपात १५ लाख रुपये खर्च करून लोखंडी पूल बांधण्याची निविदा प्रक्रिया सुरू झाली आहे; तर लवकरात लवकर या ठिकाणी १०० मीटर लांबीचा कायमस्वरूपी पूल बांधण्यासाठी दोन कोटी रुपये उपलब्ध करून देणार असल्याचे पालघर जिल्ह्याचे पालकमंत्री दादा भुसे यांनी सांगितले असून तसे निर्देश जिल्हा प्रशासनाला दिले आहेत.