मुंबई, ता. ६ : भारतरत्न, गानसम्राज्ञी लता मंगेशकर यांच्या निधनामुळे दुखवटा म्हणून राज्य सरकारने सोमवारी (ता. ७) राज्यात सार्वजनिक सुट्टी जाहीर केली आहे. त्यानुसार उद्या सर्व सरकारी आस्थापनांसह शाळा-महाविद्यालयेही बंद राहणार असल्याचे सरकारतर्फे जाहीर करण्यात आले आहे.
भारतरत्न लता मंगेशकर यांच्या निधनामुळे संगीत आणि कलाविश्वाची अपरिमित हानी झाली आहे. या महान गायिकेला श्रद्धांजली वाहण्यासाठी सोमवारी (ता. ७) राज्यात दुखवटा म्हणून सार्वजनिक सुट्टी जाहीर करण्यात येत आहे, असे सरकारतर्फे काढण्यात आलेल्या अधिसूचनेत म्हटले आहे.