गोरेगाव : एका व्यावसायिकाला जाळ्यात ओढून शारीरिक संबंधांचे गुपचूप व्हिडीओ (sexual video viral threat) बनवून ते व्हायरल करू, अशी धमकी देणाऱ्या महिलेला (woman arrested) पोलिसांनी अटक केली. व्यावसायिकाकडून पन्नास हजार रुपये घेऊन आणखी पैशासाठी तगादा लावणाऱ्या या महिलेला बोरिवली पोलिसांनी (borivali police) अटक केली असून तिने अशा पद्धतीने अन्य काही गुन्हे केले आहेत काय, याचीही चौकशी सुरू केली आहे.

एकोणपन्नास वय असलेल्या या महिलेने इस्टेट एजंट असल्याचे सांगत व्यावसायिकाशी ओळख वाढवली. कालांतराने शारीरिक संबंध प्रस्थापित झाल्यावर तिने चोरून शारीरिक संबंधांचे व्हिडीओ बनवले होते. ते दाखवीत पंचवीस लाख रुपयांची मागणी केली. त्यापैकी पन्नास हजार रुपये त्याने महिलेला दिले. पैशांसाठी तगादा लावल्याने कंटाळून तक्रारदाराने बोरिवली पोलिस ठाण्यात धाव घेतली. या घटनेनंतर अन्य एका व्यक्तीनेही या महिलेविरुद्ध याच स्वरूपाची तक्रार दिली आहे.