अंबरनाथ, ता. २० (बातमीदार ः अंबरनाथ नगरपालिका निवडणुकीच्या दृष्टीने मागील वेळी तयार करण्यात आलेली प्रभाग रचना चुकीची असून त्यात लक्ष देऊन निवडणूक आयोगाला चूक दुरुस्ती करण्याचे आदेश द्यावेत, असे साकडे राज्यपाल भगतसिंह कोश्यारी यांच्याकडे अंबरनाथ भाजपच्या वतीने घालण्यात आले आहे.
अंबरनाथ भाजप शहराध्यक्ष अभिजित करंजुले -पाटील यांच्या नेतृत्वाखालील एका शिष्टमंडळाने राज्यपाल कोश्यारी यांची शनिवारी राज भवनावर भेट घेतली. यावेळी झालेल्या चर्चेत चुकीची प्रभाग रचना आणि कोरोनाच्या संकटामुळे गेल्या दोन वर्षांपासून बंद असलेले येथील प्राचीन शिवमंदिर महाशिवरात्रीला भाविकांसाठी खुले करून देण्याची मागणी करण्यात आली. यावेळी दिलीप कणसे, खानजी धल, संतोष शिंदे, विश्वासराव निंबाळकर आदी पदाधिकारी यावेळी उपस्थित होते.