नवी मुंबई, ता. २० : राजमाता जिजाऊ महिला मंडळातर्फे शिवजयंती उत्साहित साजरी करण्यात आली. शिवजयंती उत्सवानिमित्त भाजप पुरस्कृत राजमाता जिजाऊ महिला मंडळातर्फे सीवूड-करावे विभागात शिवगीत गायन, पोवाडा स्पर्धांचे आयोजन करण्यात आले होते. तसेच महिलांसाठी मिसेस सीवूड्स, लकी ड्रॉ पैठणी आदी कार्यक्रमांचे आयोजन करण्यात आले होते. भाजपचे नवी मुंबई युवा मोर्चा अध्यक्ष दत्ता घंगाळे यांच्या मार्गदर्शनानुसार राजमाता जिजाऊ महिला मंडळाच्या अध्यक्षा अश्विनी दत्ता घंगाळे यांनी या कार्यक्रमांचे आयोजन केले होते. कार्यक्रमात महिलांसोबतच लहान मुलांनी पारंपरिक वेशभूषा करून सहभाग घेतला होता.