आदित्य ठाकरे उत्तर प्रदेशात प्रचाराला
गोरखपूरलाही सभा
सकाळ न्यूज नेटवर्क
मुंबई, ता. २३ ः पर्यावरण मंत्री आदित्य ठाकरे उद्या (ता. २४) उत्तर प्रदेश विधानसभा निवडणुकीच्या प्रचाराला जाणार आहेत. उत्तर प्रदेशचे मुख्यमंत्री योगी आदित्यनाथ यांच्या गोरखपूर क्षेत्रात ते विमानाने उतरतील. दोमरियागंज आणि कोमरांव या दोन विधानसभा मतदारसंघांत ते शिवसेना उमेदवाराचा प्रचार करतील.
गेल्या आठवड्यात आदित्य ठाकरे गोव्यालाही प्रचारासाठी गेले होते. राममंदिर आंदोलनात शिवसेना आघाडीवर होती, मात्र भाजपशी युती असल्याने आम्हाला त्यावेळी त्याग करावा लागला, असे शिवसेनेचे म्हणणे आहे. आता राष्ट्रीय स्तरावर विस्तार करायचा हा निर्णय झाल्यावर शिवसेनेचे पक्षप्रमुख उद्धव ठाकरे यांचे पुत्र आणि युवासेनेचे प्रमुख पर्यावरणमंत्री प्रचाराला निघाले आहेत.