भिवंडी : अधिकृत कागदपत्रांशिवाय (illegal documents) भारतात राहणाऱ्या दोन बांगलादेशी नागरिकांसह त्यांना बनावट कागदपत्र (fake documents) तयार करून देणाऱ्या व्यक्तीला शांतीनगर पोलिसांनी (shantinagar police) गुरुवारी रात्री अटक केली. जैनल जाफुर खान (वय २७) व यासीन अराफत अन्सारी (वय २५) असे अटक करण्यात आलेल्या दोघा बांगलादेशींची नावे आहेत.

तर इलियास उर्फ पप्पू मोहम्मद मुस्तफा अन्सारी (रा. नागाव, भिवंडी) असे त्यांना मदत करणाऱ्या व्यक्तीचे नाव आहे. त्याने बनावट आधार कार्ड व विविध बनावट कागदपत्रे बनवून दिलीत. जैनल व यासीन यांच्याकडे पारपत्र व व्हिजा नसतानाही छुप्या मार्गाने भिवंडीत येऊन वास्तव्य करीत होते. इलियास याने त्यांना बनावट आधार कार्ड, प्राप्तिकर विभागाचे खोटे ओळखपत्र व निवडणूक आयोगाचेही ओळखपत्र बनवून दिले होते. अधिक तपास वरिष्ठ पोलिस निरीक्षक शीतल राऊत करीत आहेत.