खर्डी, ता. ७ (बातमीदार) ः खर्डी विभागातील वझर जिल्हा परिषद शाळेतील विद्यार्थ्यांना भिवंडीतील कांदळी तळवली ग्रुप ग्रामपंचायतीचे माजी सरपंच व सहकारी सेवा सोसायटीचे अध्यक्ष भागोजी गणपत जाधव यांच्या वतीने ६० विद्यार्थ्यांना दप्तर वही पेन पेन्सिलचे वाटप करण्यात आले. तसेच अंगणवाडी सेविका व मदतनीस यांचा कोरोना योद्धा पुरस्काराने सन्मानित करण्यात आले. या वेळी प्रमुख पाहुणे म्हणून पंचायत समितीचे माजी सभापती सखाराम जाधव, एकनाथ जागले, लक्ष्मण गोष्टे, दिनेश कशिवले, दत्तात्रेय जाधव, पुरुषोत्तम चंदे, प्रभाकर जाधव, राजेश दळवी उपस्थित होते. कार्यक्रमाचे सूत्रसंचालन मुख्याध्यापक नीतेश पांढरे व सूत्रसंचालन शिक्षक पराग तुपे यांनी केले.