डोंबिवली, ता. ७ ः सत्यशोधक समाजाची स्थापना करणारे, महिलांच्या शिक्षणासाठी पुढाकार घेणारे महात्मा ज्योतिबा फुले आणि सावित्रीबाई फुले यांचे शिल्प डोंबिवली पश्चिमेत उभारण्यात आले आहे. महात्मा फुले नगरातील या शिल्पाचे अनावरण माजी नगरसेवक दिपेश म्हात्रे व जयेश म्हात्रे यांच्या हस्ते सोमवारी करण्यात आले. यावेळी प्रभागातील नागरिक मोठ्या संख्येने उपस्थित होते. नागरिकांसाठी महाराष्ट्राची गुणगर्जना या प्रबोधनात्मक कार्यक्रमाचे आयोजन करण्यात आले होते. गायक प्रल्हाद शिंदे यांचे पुत्र चंद्रकांत शिंदे यांनी यावेळी सादर केलेल्या गीतांना नागरिकांनी उत्तम प्रतिसाद दिला.