डोंबिवली : हिंगोलीचे शिवसेना (shivsena) जिल्हाप्रमुख आणि आमदार संतोष बांगर (Mla Santosh bangar) यांनी प्रकाश आंबेडकरांविषयी (Prakash ambedkar) वादग्रस्त वक्तव्य केल्याने वंचित बहुजन आघाडीचे कार्यकर्ते आक्रमक झाले आहेत. कल्याणमधील वालधुनी अशोक नगर येथे वंचित बहुजन आघाडीच्या पदाधिकाऱ्यांनी आमदार बांगर यांच्या प्रतिमेला काळिमा फासत ‘जोडे मारा‘ आंदोलन (strike) करीत निषेध नोंदवला.

वंचितच्या कार्यकर्त्यांनी बांगर यांच्याविरोधात घोषणाबाजी केली. बांगर यांनी केलेल्या बेताल व्यक्तव्यामुळे कार्यकर्त्यांच्या व जनतेच्या भावना दुखावल्या आहेत. पक्षप्रमुखांनी बांगर यांचे पद रद्द करावे, अशी मागणी यावेळी कार्यकर्त्यांनी केली. निषेध आंदोलनात वंचित बहुजन आघाडी कल्याण पूर्व शहराध्यक्ष मनोज धुमाळ, उपाध्यक्ष आणि कार्यकर्ते जय घोडे, विजय सुरडकर, मिलिंद खैरे, रोहित डोळस, मुकद्दर सय्यद यांच्यासह अनेक कार्यकर्ते उपस्थित होते.