भिवंडी, ता. ७ (बातमीदार) ः भिवंडी तालुक्यातील तहसील कार्यालयातील महसूल विभागाच्या कर्मचारी व अधिकाऱ्यांनी आपल्या प्रलंबित विविध मागण्यांसाठी पुकारलेल्या बेमुदत संपाला चार दिवस झाले. या संपामुळे भिवंडी तहसीलदार कार्यालयात शुकशुकाट आहे. या संपामुळे ग्रामीण भागातील नागरिकांची अनेक कामे खोळंबली आहेत. संप मिटेल या आशेने या नागरिक तहसील कार्यालयाच्या चकरा मारत आहेत.
महसूल विभागाच्या विविध मागण्यांसाठी राज्यव्यापी संप सुरू असल्याने तहसीलदार कार्यालय, तलाठी, मंडळ अधिकारी, पुरवठा कार्यालयातील कर्मचारी संपावर गेले आहेत. त्यामुळे कार्यालयातील सर्व कामकाज ठप्प झाली आहेत. या संपाची माहिती कल्पना नसल्याने कामानिमित्त कोनगाव, पडघा, शेलार, खारबाव, लाखीवली, कवाड, अनगाव, काल्हेर कशेळी अशा विविध ग्रामीण भागातील नागरिक तहसील कार्यालयात येत आहेत. दरम्यान सरकारचे आदेश आल्यानंतर संपकरी कर्मचाऱ्यांवर कारवाई केली जाईल, अशी माहिती तहसीलदार अझिक पाटील यांनी दिली आहे.
महसूल कर्मचारी संपावर असल्याने काम रखडली आहेत. काम होईल या आशेने तहसीदार कार्यालयाच्या चकरा माराव्या लागत आहेत. त्यामळे वेळ वाया जातोय; शिवाय आर्थिक भुर्दंडदेखील बसत आहे.
- नामदेव पाखडी, शेतकरी
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.