भांडुप, ता. ७ (बातमीदार ) ः काही दिवसांपासून भांडुप परिसराला अनधिकृत होर्डिंगचा विळखा पडलेला पाहायला मिळतो आहे. लोकप्रतिनिधींसह त्यांच्या कार्यकर्त्यांचे होर्डिंग, तसेच नवीन शोरूम दुकानदारांनी शुभारंभाचे होर्डिंग्ग लावले आहेत. त्यामुळे परिसराचे विद्रूपीकरण झाले असून होर्डिंग्ज कोसळून दुर्घटना घडण्याची शक्यता नाकारता येत नाही.
राजकीय पक्ष, संघटना, पदाधिकाऱ्यांच्या निवडी, तसेच वाढदिवसाच्या शुभेच्छांचे मोठमोठे होर्डिंग्ज लावून जाहिरातबाजी केली जात आहे. तसेच प्रत्येक चौकामध्ये सिग्नल किंवा लाईटच्या खांबांवर होर्डिंग पाहायला मिळत आहेत. स्टेशन रोड परिसर, व्हिलेज रोड, सोनापूर सिग्नल परिसर, छत्रपती शिवाजी महाराज तलाव अशा ठिकाणी होर्डिंग्ग मोठ्या प्रमाणावर आहेत. त्यामुळे नागरिकांमध्येही नाराजीचा सूर असून महापालिकेने अनधिकृत होर्डिंग काढावी, अशी मागणी होत आहे.
...
परिसरातील होर्डिंग हटवण्याची कार्यवाही सुरू आहे. लवकरच होर्डिंग हटवण्यात येतील.
- पंकज पवार, निरीक्षक, एस. वार्ड, भांडुप.
...
काही ठिकाणी होर्डिंग पडल्याने अपघात होण्याच्या घटना घडल्या आहेत. त्यामुळे अशा होर्डिंग काढणे गरजेचे आहे.
- गणेश धनावडे, नागरिक.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.