घणसोली : तुर्भे एमआयडीसी (Turbhe MIDC) परिसरात मंगळवारी रूका साप (common bronzeback tree snake) आढळला. घणसोलीतील सुरेश खरात या सर्पमित्राने या सापाला पकडून वनक्षेत्र अधिकाऱ्यांकडे (forest department) सुपूर्द केले. तुर्भे एमआयडीसी परिसरात हिंदुस्तान कोलाज प्रा. लिमिटेड या कंपनीच्या आवारात एक साप असल्याची माहिती दिगंबर कोहळे या रहिवाशाने सर्पमित्र खरात (Suresh kharat) यांना कळविले होते.

खरात यांनी तातडीने एमआयडीसीत धाव घेत रूका सापाला पकडले. हा साप दक्षिण भारत आणि हिमालयाच्या पायथ्याशी आढळतो. तो बिनविषारी असून जमिनी आणि झाडांवरही जलद धावतो. उन्हाच्या तडाख्यामुळे साप बिळातून बाहेर येतात. यामुळे सर्व नागरिकांना काळजी घेण्याचे आवाहन त्यांनी केले.