अंबरनाथ : अंबरनाथ तालुक्यातील सावरा गावात गोवा येथून आणलेला ३० लाखांचा विदेशी मद्यसाठा (Foreign liquor seized) राज्य उत्पादन शुल्क भरारी पथकाने (State excise department) जप्त केला आहे. आयुक्त के. बी. उमाप, विभागीय उपायुक्त सुनील चव्हाण, महाराष्ट्र राज्य संचालक उषा वर्मा यांच्या निर्देशानुसार ही कारवाई करण्यात आली. विदेश मद्यसाठ्याप्रकरणी अविनाश केवणे, समीर केवणे (culprits arrested) यांना अटक केली असून या प्रकरणाचा मुख्य सूत्रधार सुनील (पूर्ण नाव समजू शकले नाही) फरार आहे.

सावरागावमधील मराठे (केवणे) फार्म हाऊसवर गोव्याच्या मद्याचा साठा लपवून ठेवल्याची माहिती राज्य उत्पादन शुल्क भरारी पथकाला मिळाली होती. त्यानुसार भरारी पथकाचे विभागीय निरीक्षक आनंदा कांबळे व त्यांच्या सहकाऱ्यांनी फार्म हाऊसवर छापा घालून विदेशी मद्याचा साठा जप्त केला.