डोंबिवली : हिंदुत्वाच्या मुद्द्यावर शिवसेनेवर निशाणा साधत रामनवमीला मनसेने शिवसेना भवनासमोर हनुमान चालिसा पठणाचा घाट घातला. यावर संपलेल्या पक्षाला मी उत्तर देत नाही, असा टोला शिवसेना नेते, पर्यावरण मंत्री आदित्य ठाकरेंनी मनसेला लगावला होता. आदित्य यांच्या या टोल्याला मनसे आमदार राजू पाटील यांनी ‘पक्ष जगवण्यासाठी आम्ही कोणाच्या दाढीला बांधलेलो नाही’ असे ट्विट करत प्रत्युत्तर दिले आहे.

आमदार पाटील यांच्या ट्विटला आता शिवसेना काय उत्तर देते, याकडे शिवसेना कार्यकर्त्यांचे लक्ष लागले आहे. ‘मशिदी आदींवर भोंगे ‘आदी’ चालतात, पण हनुमान चालिसा ‘आदी’ चालत नाही? प्रतिक्रिया ‘आदी’ गोष्टी विचाराअंती द्या. पक्ष ‘संपला’ आदी म्हणताय? आम्ही पक्ष जगवण्यासाठी कुणाच्या दाढीला बांधलेलो नाही, असे ट्विट राजू पाटील यांनी केले आहे.