वसई : डॉ. बाबासाहेब आंबेडकर यांच्या जयंतीनिमित्त वसई-विरार शहरात १०० हून अधिक ठिकाणी कार्यक्रमाचे आयोजन करण्यात आले आहे. शहरात मिरवणूकदेखील काढण्यात येणार आहे. नालासोपारा येथे आचोळे, चंदननाका, मजेठिया मार्ग, तुळिंजसह आजूबाजूच्या परिसरात जयंतीनिमित्त मिरवणुकीचे आयोजन करण्यात आले. विविध ठिकाणी बौद्ध पंचायत समितीच्या माध्यमातूनदेखील मानवंदना अर्पण केली जाणार आहे.

संयुक्त भीमजयंती व शिवजयंती उत्सव, परिवर्तन प्रतिष्ठानतर्फे तुळिंज येथे कव्वालीचा जंगी सामना रंगणार आहे. या वेळी गायिका सुहासिनी शिंदे, गायक संतोष घाडगे सहभाग घेणार असल्याची माहिती शिवसेना वसई तालुका सहसचिव अजित खांबे यांनी दिली; तर नालासोपारा शहरात ७० परिसरात डॉ. बाबासाहेब आंबेडकर यांना मानवंदना देण्यात येणार असून मिरवणूक काढून उत्सव साजरा केला जाणार असल्याचे माजी महापौर रूपेश जाधव यांनी सागितले.