मुंबादेवी, ता. २५ (बातमीदार)ः भारतीय चित्रपटसृष्टीचे जनक दादासाहेब फाळके यांना भारतरत्न देऊन केंद्रातील नरेंद्र मोदी सरकारने त्यांचा उचित गौरव करावा, अशी मागणी रेखा गौर यांनी केली. दादासाहेब फाळके मेमोरियल फाऊंडेशनच्या सचिव आणि व्यवस्थापकीय विश्वस्तपदी त्यांची नियुक्ती करण्यात आली. त्याप्रसंगी आयोजित सत्कारप्रसंगी त्या बोलत होत्या. दादासाहेब फाळके यांचे नातू चंद्रशेखर पुसाळकर (फाळके) हेही फाऊंडेशनच्या शुभारंभाला उपस्थित होते. त्यांची विश्वस्त पदावर नियुक्ती करण्यात आली आहे. ‘भाभी जी घर पर हैं’ या प्रसिद्ध मालिकेत तिवारीची भूमिका साकारणाऱ्या रोहितश्व गौर यांच्या रेखा गौर या पत्नी आहेत.