पालीत ट्रकची तीन कारला धडक
पाली, ता. १ (वार्ताहर) ः पालीतील भक्तनिवासाजवळ बुधवारी (ता.३१) रात्री दहाच्या सुमारास झालेल्‍या विचित्र अपघातात ट्रकच्या धडकेमुळे तीन कार एकमेकांवर आदळल्‍या. अपघात कारचे मोठे नुकसान झाले, मात्र कोणीही जखमी झाले नाही. चालक सिमेंट घेऊन आलेला ट्रक मागे घेत असताना, लोखंडी पाईपमध्ये अडकला आणि एका कारवर धडकला. त्‍यामुळे कार फरफटत मागे केल्‍याने अन्य दोन कारला धडकली. ट्रकचालकाला ओरडून सांगण्याचा प्रयत्‍न केला असता, त्‍याने दुर्लक्ष केल्‍याचे परिसरातील नागरिकांचे म्‍हणणे आहे.