कावाडे येथील दत्तमंदिराचा वर्धापनदिन साजरा
अलिबाग, ता. २५ : अलिबाग तालुक्यातील श्री दत्तगुरू प्रतिष्ठापणादिनाच्या निमित्ताने कावाडे येथील सामाजिक कार्यकर्ते स्वर्गीय जगन्नाथ जोमा पाटील व त्यांचा परिवार गेली अनेक वर्षे हरिपाठ सोहळ्याचे आयोजन करीत आहेत.
या कार्यक्रमानिमित्त श्री हनुमान महिला हरिपाठ मंडळ देहन, पोयनाड यांनी भव्य कार्यक्रम सादर केला. गायिका संध्या पाटील, मृदंगमणी महेंद्र जुईकर व त्यांचे सर्व सहकारी यांनी खारेपाटातील भाविकांना व रसिक प्रेक्षकांना माउली ज्ञानेश्वर, विठ्ठल- रुखमाई, संत श्रेष्ठ तुकाराम महाराज यांचे विविध अभंग हरिपाठद्वारे सादरीकरण करून  मने  जिंकली. संपूर्ण खारेपाट विभागातून मोठ्या संख्येने भाविक उपस्थित होते. त्यांनी महाप्रसादाचा व या धार्मिक कार्यक्रमाचा  लाभ  घेतला. हा कार्यक्रम पाहण्यासाठी मोठ्या संख्येने प्रेक्षक उपस्थित होते. या वेळी हरिपाठातील महिला मंडळाला प्रेक्षकांनी  पारितोषिक  दिले. तसेच अलिबाग तालुका राष्ट्रवादी काँग्रेसचे पदाधिकारी अमित नाईक तसेच पंचायत समितीचे माजी उपसभापती अनिल पाटील, पंचक्रोशीतील विविध मंडळी  उपस्थित  होती.