सरस्वती नांदे यांचे निधन
खोपोली (बातमीदार) ः खोपोली येथील रहिवासी सरस्वती नांदे यांचे वयाच्या ९३व्या वर्षी निधन झाले. भारतीय जनता पक्षाचे कर्जत विधानसभा मतदारसंघ समन्वयक हेमंत नांदे यांच्या त्‍या मातोश्री होत. महाराष्ट्र राज्य ज्येष्ठ नागरिक सभेच्या फेसकॉमचा आदर्श माता पुरस्कार त्यांना मिळाला होता. त्यांच्या पश्चात तीन मुले, एक विवाहित मुलगी, नातवंडे, जावई असा मोठा परिवार आहे. खोपोली अमरधाम स्मशानभूमी येथे त्यांच्यावर अंतिम संस्कार करण्यात आले. या वेळी विविध क्षेत्रांतील मान्यवरांनी त्यांना श्रद्धांजली अर्पण केली.
-------------
मनोहर गजानन दिघे यांचे निधन
मुरुड (बातमीदार) ः मुरूड येथील मनोहर गजानन दिघे ऊर्फ नाना दिघे (वय ९१) यांचे अल्पशा आजाराने पुणे येथे निधन झाले. सीकेपी समाज, भोगेश्वर देवस्थान ट्रस्ट, सेवानिवृत्त संघटना आदी संस्थांवर ते अखेरपर्यंत कार्यरत होते. सेवानिवृत्तांचे ते खऱ्या अर्थाने आधारवड होते. त्यांच्या पश्चात दोन मुले, मुलगी, सुना, नातवंडे असा मोठा परिवार आहे. त्यांच्या अंत्यदर्शनासाठी नागरिकांची मोठी रीघ लागली होती.