पाली, ता. २४ (वार्ताहर)ः पाली-खोपोली राज्य महामार्गावर तिवरे गावच्या हद्दीत बुधवारी (ता. २३) दुपारी दोन कार एकमेकांना धडकल्या होत्या. या अपघातात एक कारचालक गंभीररित्या जखमी झाला असून, दोन्ही वाहनांचे नुकसान झाले आहे.
पाली-खोपोली राज्य महामार्गावर तिवरे गावच्या हद्दीतील वळणावर दोन कारची एकमेकांना धडकून भीषण अपघात झाला. या अपघातात एक कारचचालक गंभीररित्या जखमी झाला असून, इतरांना किरकोळ दुखापत झाली. दोन्हीही वाहनांचे मोठे नुकसान झाले आहे. या वेळी कारमधील फुटलेल्या दारूच्या बाटल्यांमुळे तरुण गटारी साजरी करण्यासाठी निघाले होते, असा अंदाज व्यक्त करण्यात येत आहे. जखमींवर रुग्णालयात उपचार सुरू आहेत.