‘नवांकुर कोहोर्ट ५.०’चे शनिवारी उद्‌घाटन
अलिबाग, ता. १३ (प्रतिनिधी) ः डॉ. बाबासाहेब आंबेडकर तंत्रशास्त्र विद्यापीठ, लोणेरे आणि विद्यापीठाच्या इनोव्हेशन केंद्राच्या माध्यमातून स्थापन ‘डीबाटू फोरम ऑफ इनोव्हेशन, इन्क्युबेशन अँड एंटरप्राइज’ यांच्या संयुक्त विद्यमाने ‘नवांकुर कोहोर्ट ५.०’ या स्टार्टअप इनक्युबेशन उपक्रमाचे उद्घाटन शनिवार, १५ नोव्हेंबर रोजी होणार आहे. हा कार्यक्रम पंडित दीनदयाळ उपाध्याय यांच्या ११०व्या जयंतीनिमित्त विशेष आयोजित करण्यात आला आहे. या कार्यक्रमाचे अध्यक्षस्थान विद्यापीठाचे कुलगुरू प्रा. कर्नल (डॉ.) कारभारी काळे स्वीकारतील. प्रमुख अतिथी म्हणून वाधवानी फाउंडेशनचे संचालक दयाकर मूर्ती आणि सिंधुदुर्गचे उपजिल्हाधिकारी बालाजी शेवाळे उपस्थित राहणार आहेत. विशेष अतिथी म्हणून महास्वराज्य फेडरेशनचे संचालक बाळासाहेब पाटील, डॉ. सूर्यकांत पाटील आणि डॉ. नवीन खंडारे सहभागी होणार आहेत. डीएफआयआयई ही महाराष्ट्र शासनाच्या महाराष्ट्र राज्य इनोव्हेशन सोसायटीच्या सहकार्याने स्थापन सेक्शन-८ कंपनी असून, ती नवउद्योजकांना मेंटरशिप, इन्क्युबेशन आणि तांत्रिक सहाय्य पुरवते. या उपक्रमाचा उद्देश महाराष्ट्रातील स्टार्टअप, नवोपक्रम आणि उद्योजकतेस चालना देणे हा आहे.