खोपोली, ता. ३ (बातमीदार) ः खोपोलीतील हिंदुस्थान पेट्रोलियम कॉपोरिशन लिमिटेड वतीने ‘ऑफ साईड मॉक ड्रील’चे आयोजन हाळ बुद्रुक येथे करण्यात आले होते. एचपीसीएलची ५०८ किलोमीटर लांबीची मुंबई - पुणे - सोलापूर वाहिनी कार्यरत आहे. ही वाहिनी ग्रामीण भागातील जात असून अत्यंत ज्वलनशील पदार्थाची वाहतूक करत असल्याने नागरिकांना सुरक्षेच्या दृष्टीने माहिती मिळावी, म्हणून दरवर्षी कंपनीकडून प्रशिक्षणासाठी ऑफ साइट मॉक ड्रिलचे आयोजन करण्यात येते. या वर्षी आपत्‍कालीन प्रतिसाद व आपत्ती व्यवस्थापन योजनेविषयी माहिती देण्यात आली. यावेळी औद्योगिक सुरक्षा विभागाचे सहसंचालक वाय.पी. पतंगे, पातळगंगा एमआयडीसीचे अग्निशमन अधिकारी आशिष मोरे, रिलायन्सचे गजानन काटेकर, एचपीसीएलचे महाव्यवस्‍थापक राजेंद्र ठोकेकर, मुख्य व्यवस्‍थापक अरविंद चव्हाण, रोहित सी, हाळ येथील ग्रामस्थ हसन जळगावकर आदी उपस्थित होते.

खोपोली : खोपोलीमध्ये एचपीसीएलकडून मॉक ड्रील घेण्यात आली.