Mahad News: एका अल्पवयीन मुलीला शीतपेयातून मद्यपाजत तिच्यावर बलात्कार करणाऱ्या आरोपीला पोलिसांनी अटक केली आहे.

आरोपीने या मुलीला तिचे फोटो व्हायरल करण्याची धमकीही दिली होती. याप्रकरणी महाड शहर पोलिस ठाण्यात गुन्हा दाखल करण्यात आला आहे.

वैभव भूपेंद्र पवार असे आरोपी तरुणाचे नाव असून सप्टेंबर २०२३ ते १४ एप्रिल २०२४ या कालावधीमध्ये त्याने पीडितेला लग्नाचे आमिष दाखवत तिच्यासोबत शारीरिक संबंध प्रस्थापित केले. आरोपीने महाड शहरातील एका इमारतीमध्ये तसेच पोलादपूर येथे एका लॉजमध्ये नेत तिला शीतपेयातून मद्य पाजत बलात्कार केल्याचा आरोप पीडितेने केला आहेत.

यातूनच ही अल्पवयीन मुलगी गर्भवती राहिली. त्यानंतर आरोपीने मुलीचे फोटो व्हायरल करण्याची धमकी दिली. याप्रकरणी पीडितेने महाड शहर पोलिस ठाण्यात धाव घेत मंगळवारी (ता.१६) तक्रार दाखल केली आहे. महाड पोलिसांनी आरोपी वैभव पवार यांच्या गुन्हा दाखल केला.याप्रकरणी वैभवला अटक करण्यात आली असून स्थानिक न्यायालयाने आरोपीला १९ तारखेपर्यंत पोलिस कोठडी सुनावली आहे.