बंद फ्लॅटमधून दीड लाखांचा ऐवज लंपास

महाड, ता. २ (बातमीदार) : औद्योगिक क्षेत्रामधील नडगाव येथील एका इमारतीमध्ये बंद फ्लॅट फोडून चोरट्याने एक लाख ५२ हजारांचा ऐवज लंपास केला. याबाबत महाड एमआयडीसी पोलिस ठाण्यात गुन्हा दाखल करण्यात आला आहे.
नडगाव येथील साई समृद्धी या इमारतीमधील संजय राणे यांच्या घरामध्ये ३१ मे रोजी चोरी झाली आहे. संजय राणे हे कंपनीमध्ये कामासाठी गेले होते. तर त्यांची पत्नी बाहेरगावी गेली होती. ही संधी साधून चोरट्याने बंद घराचा दरवाजा तोडून कपाटातील सोन्याचे दागिने आणि २७ हजारांची रोख रक्‍कम आणि एक मोबाईल असा एकूण एक लाख ५२ हजारांचा ऐवज लंपास केला. याप्रकरणी संजय राणे यांनी तक्रार दाखल केल्‍यावर पोलिसांनी गुन्हा दाखल केला.
..