मुंबई, ता. ९ ः गोदरेज इंडस्ट्रीजचे व्यवस्थापकीय संचालक नादीर गोदरेज यांना ‘हुरून इंडिया’तर्फे ‘मोस्ट रिस्पेक्टेड इंडियन इंडस्ट्रियलिस्ट ऑफ द इयर’ हा पुरस्कार नुकताच देण्यात आला. नवनवीन उपयुक्त उत्पादने बाजारात आणून देशाच्या प्रगतीत मोठा वाटा उचलल्याबद्दल त्यांना हे पारितोषिक देण्यात आले.
देशाच्या प्रगतीत गोदरेज ग्रुपचा मोठा सहभाग असल्याने या पुरस्काराबद्दल मला अभिमान वाटतो. कृषी क्षेत्रासाठी विविध उत्पादने आणण्यापासून, तसेच जंतुनाशकांची निर्मिती करून नागरिकांना विविध साथीच्या रोगांपासून वाचवण्यात, तसेच देशाच्या महत्त्वाकांक्षेशी संलग्न होण्यात गोदरेजने नेहमीच पुढाकार घेतला आहे. देशाला सर्वोत्तम ते देण्याचा आमचा नेहमीच प्रयत्न राहील, असे गोदरेज या वेळी म्हणाले.