आंतरराष्ट्रीय योगदिनी मोफत ऑनलाईन योगसत्र
मुंबई, ता. १९ : आंतरराष्ट्रीय योग दिनानिमित्त २१ जून रोजी ईशा फाऊंडेशनतर्फे संपूर्ण जून महिन्यात विनामूल्य ऑनलाईन योग सत्रे दिली जात आहेत. सात वर्षांवरील कोणीही ऑनलाईन योगा करू शकतात. ही सत्रे ईशा फाऊंडेशनचे संस्थापक सद्गुरू यांनी डिझाईन केली आहेत. २१ जून रोजी युनेस्को मुख्यालयात नवव्या आंतरराष्ट्रीय योग दिनानिमित्त आयोजित एका विशेष कार्यक्रमात सद्गुरू पॅरिसमधून संबोधित करतील.
प्रत्येकी ४५ मिनिटांचे तीन मॉड्यूल ईशा फाऊंडेशन देत आहे. यश, आरोग्य आणि तंदुरुस्ती किंवा मानसिक आरोग्यावर लक्ष केंद्रित केले जाते. या पद्धती शिकण्यासाठी योगाचा पूर्वीचा अनुभव असण्याची गरज नाही. इच्छुक कॉर्पोरेट आणि संस्था या ऑनलाईन फॉर्मद्वारे त्यांचे तपशील भरून विनामूल्य ऑनलाईन सत्रात उपस्थित राहू शकतात, असे आयोजकांकडून सांगण्यात आले आहे.