मुंबईत कोल्हापूरच्या महालक्ष्मी मातेचे दर्शन
सकाळ वृत्तसेवा
मुंबई, ता. १० : दिवाळीनिमित्त मुंबईच्या शिवडीत महालक्ष्मी मंदिराची ५१ फूट उंच प्रतिकृती साकारली आहे. श्री महालक्ष्मी सार्वजनिक दीपोत्सव मंडळाचे हे हीरक महोत्सवी वर्ष आहे. त्यानिमित्त हे मंदिर साकारण्यात आले आहे. दिवाळीच्या सुटीत फिरण्यासाठी येणाऱ्या नागरिकांना कोल्हापूरच्या महालक्ष्मीचे दर्शन मुंबईतच मिळणार आहे. आजपासून १८ नोव्‍हेंबरपर्यंत महालक्ष्मी मातेचे दर्शन घेता येणार आहे. दिवाळीत सकारात्मक ऊर्जा व प्रसन्न चैतन्यमय वातावरण भाविकांना अनुभवायला मिळेल, अशी माहिती नगरसेवक सचिन पडवळ यांनी दिली.