‘हरवलेल्या पत्त्यांचा बंगला’ नाटकाला प्रथम पारितोषिक
- ३२वी मराठी व्यावसायिक नाट्य स्पर्धा
मुंबई, ता. १८ : ३२व्या महाराष्ट्र राज्य मराठी व्यावसायिक नाट्य स्पर्धेच्या अंतिम फेरीत ‍जिगिषा क्रिएशन्स या संस्थेच्या ‘हरवलेल्या पत्त्यांचा बंगला’ या नाटकाने प्रथम पारितोषिक पटकावले. सात लाख ५० हजार रुपयांचे पारितोषिक जाहीर झाल्याची घोषणा सांस्कृतिक कार्य संचालनालयाचे संचालक बिभीषण चवरे यांनी केली.
सांस्कृतिक कार्य संचालनालयामार्फत आयोजित या स्पर्धेच्या अंतिम फेरीचा निकाल जाहीर झाला असून यात अवनीश, अथर्व, नाटकमंडळी या संस्थेच्या ‘आमने सामने’ या नाटकास रुपये चार लाख ५० हजाराचे द्वितीय पारितोषिक आणि मकरंद देशपांडे नाटकवाला आणि व्ही. आर. प्रॉडक्शन्स या संस्थेच्या ‘सर, प्रेमाचं काय करायचं’ या नाटकास तीन लाख रुपयाचे तृतीय पारितोषिक प्राप्त झाले आहे. दिग्दर्शन : प्रथम पारितोषिक (रु. एक लाख ५० हजार) चंद्रकांत कुलकर्णी (नाटक- हरवलेल्या पत्त्यांचा बंगला), द्वितीय पारितोषिक (रु. एक लाख) मकरंद देशपांडे (नाटक- सर, प्रेमाचं काय करायचं), तृतीय पारितोषिक (रु. ५० हजार) ‍निरज शिरवईकर (नाटक- आमने सामने).
२६ फेब्रुवारी ते ७ मार्च या कालावधी शिवाजी मंदिर, दादर, मुंबई या ठिकाणी अतिशय जल्लोषात झालेल्या या स्पर्धेत एकूण सात व्यावसायिक नाट्यप्रयोग सादर करण्यात आले. स्पर्धेसाठी परीक्षक म्हणून शिवदास घोडके, रवींद्र आवटी, विजय कदम, प्रदीप कबरे व मुग्धा गोडबोले यांनी काम पाहिले होते.
नाट्यलेखन : प्रथम पारितोषिक (रु. एक लाख) स्वरा मोकाशी (नाटक- हरवलेल्या पत्त्यांचा बंगला), द्वितीय पारितोषिक (रु. ६० हजार) ‍निरज शिरवईकर (नाटक- आमने सामने), तृतीय पारितोषिक (रु. ४० हजार) मकरंद देशपांडे (नाटक- सर, प्रेमाचं काय करायचं)
प्रकाश योजना : प्रथम पारितोषिक (रु. ४० हजार) अमोल फडके (नाटक- सर, प्रेमाचं काय करायचं), द्वितीय पारितोषिक (रु. ३० हजार) किशोर इंगळे- मयुर इंगळे (नाटक- आमने सामने), तृतीय पारितोषिक (रु. २० हजार) शिवाजी शिंदे (नाटक- प्रेम करावं पण जपून)
नेपथ्य : प्रथम पारितोषिक (रु. ४० हजार) टेडी मौर्या (नाटक- सर, प्रेमाचं काय करायचं), द्वितीय पारितोषिक (रु. ३० हजार) प्रदीप मुळे (नाटक-तू म्हणशील तसं), तृतीय पारितोषिक (रु. २० हजार) प्रदीप मुळे (नाटक- व्हॅक्युम क्लीनर)
संगीत दिग्दर्शन : प्रथम पारितोषिक (रु. ४० हजार) अशोक पत्की (नाटक- हरवलेल्या पत्त्यांचा बंगला), द्वितीय पारितोषिक (रु. ३० हजार) शैलेश बर्वे (नाटक- सर, प्रेमाचं काय करायचं), तृतीय पारितोषिक (रु. २० हजार) मनोहर गोलांबरे (नाटक- दर्याभवानी)
वेशभूषा : प्रथम पारितोषिक (रु. ४० हजार) अमिता खोपकर (नाटक- आमने सामने), द्वितीय पारितोषिक (रु. २० हजार), प्रतिमा जोशी (नाटक-हरवलेल्या पत्त्यांचा बंगला), तृतीय पारितोषिक (रु. २० हजार) कलिका विचारे (नाटक- दर्याभवानी)
रंगभूषा : प्रथम पारितोषिक (रु. ४० हजार) उल्लेश खंदारे (नाटक- व्हॅक्युम क्लीनर), द्वितीय पारितोषिक (रु. ३० हजार) उदयराज तांगडी (नाटक- दर्याभवानी), तृतीय पारितोषिक (रु. २० हजार) उल्लेश खंदारे (नाटक- हरवलेल्या पत्त्यांचा बंगला)
उत्कृष्ट अभिनय रौप्यपदक व रु. ५० हजार- पुरुष कलाकार : रोहन गुजर (नाटक- आमने सामने), मंगेश कदम (नाटक- आमने सामने), विशाल तांबे (नाटक- प्रेम करावं पण जपून), मकरंद देशपांडे (नाटक- सर, प्रेमाचं काय करायचं), निनाद लिमये (नाटक- सर, प्रेमाचं काय करायचं).
स्त्री कलाकार : वंदना गुप्ते (नाटक- हरवलेल्या पत्त्याचा बंगला), दीप्ती लेले (नाटक- हरवलेल्या पत्त्याचा बंगला), लिना भागवत (नाटक- आमने सामने), निर्मिती सावंत (नाटक- व्हॅक्युम क्लीनर), आकांक्षा गाडे (नाटक- सर, प्रेमाचं काय करायचं).