Mumbai News: गेल्या दोन निवडणुकीत ज्यांनी नरेंद्र मोदी यांच्या नावावर मते मागितली त्यांनी नंतर विश्‍वासघात केला, अशी टीका भाजप नेते मंगलप्रभात लोढा यांनी शनिवारी (ता. २७) येथे केली. महायुतीमध्ये अभेद्य एकजूट असल्यामुळे दक्षिण मुंबईत महायुतीचाच उमेदवार विजयी होईल, असा विश्‍वासही त्यांनी व्यक्त केला. (Loksabha 2024)

लोढा म्हणाले की, मोदी यांनी दहा वर्षांत देशाला उन्नतीच्या मार्गावर नेले असल्यामुळे जो कोणी उमेदवार असेल तो मोदी यांचे प्रतीक म्हणून उभा राहील. गेल्या दोन निवडणुकांमध्ये ज्यांनी नरेंद्र मोदी यांच्या नावावर मते मागितली त्यांनी नंतर विश्वासघात केला. बॉम्बस्फोट खटल्यातील गुन्हेगार याकूब मेनन याच्या कबरीचे उदात्तीकरण करण्याचा प्रयत्न झाला.

येथे धार्मिक तणाव निर्माण करण्याचा प्रयत्नही धर्मांध व्यक्तींनी केला. मात्र, हे प्रयत्न आम्ही यशस्वी होऊ देणार नाही, असेही लोढा म्हणाले.