गोलाकार रोबोटसाठी सामंजस्य करार

मुंबई, ता. २९ ः गोलाकार‍ प्रकारचे रोबोट आणि त्यासाठी लागणारे तंत्रज्ञान आदींची देवाणघेवाण करण्यासाठी आयआयटी मुंबई आणि अलिबी ग्लोबल प्रायव्हेट लिमिटेड यांच्यात सामंजस्य करार करण्यात आला असल्याची माहिती आयआयटी मुंबईकडून देण्यात आली.
यावेळी आयआयटीच्या आर अँड टीचे अधिष्ठाता प्रा. सचिन पटवर्धन आणि अलिबी ग्लोबलचे संचालन संचालक डॉ. एस. पी. सुनील यांनी या करारावर स्वाक्षरी केली. गोलाकर रोबोट हा अत्यंत प्रतिकूल परिस्थितीमध्येही अत्यंत प्रभावीपणे कार्यरत असतो. हा कॉम्पॅक्ट, टेली-ऑपरेटेड रोबोट, अंदाजे हँडबॉलच्या आकाराचा, त्याच्या ऑपरेटरना रिअल-टाइम पॅनोरॅमिक व्हिज्युअल फिडबॅक प्रदान करून, अवघड भूप्रदेशांमध्ये सहजतेने तैनात केले जाऊ शकते. यामुळे देशभरातील सुरक्षा दलांच्या सामरिक क्षमता वाढवण्यासाठी याचा खूप मोठा फायदा होईल, असा विश्वास आयआयटीकडून व्यक्त करण्यात आला. अलिबी हिसायबर इंटेलिजन्स आणि डिजिटल फॉरेन्सिक स्टार्टअप कंपनी, भारताच्या संरक्षण आणि कायद्याची अंमलबजावणी क्षेत्रात तीन वर्षांपासून सक्रिय योगदान देत आहे आणि भारतीय नवकल्पना आणण्यासाठी हा करार महत्त्वाचा ठरणार आहे, असे कंपनीचे संचालक श्याम के. एम. यांनी सांगितले.