महानिर्मितीमध्ये तंत्रज्ञ पदांची भरती
आयटीआय उमेदवारांसाठी संधी; अर्जासाठी २६ डिसेंबरपर्यंत मुदत
सकाळ वृत्तसेवा
मुंबई, ता. ७ : महानिर्मिती या वीज कंपनीत वेगवेगळ्या तंत्रज्ञ पदांच्या ८०० जागा भरल्या जाणार आहेत. त्यामुळे आयटीआयचा आवश्यक ट्रेड केलेल्या बेरोजगार तरुणांना मोठी संधी मिळणार आहे. इच्छुकांना महानिर्मितीच्या संकेतस्थळावर ऑनलाइन अर्ज करता येणार आहे. आचारसंहिता संपताच महानिर्मितीने नोकर भरती प्रक्रिया सुरू केली आहे. उमेदवारांना www.mahagenco.in या संकेतस्थळावर अर्ज करता येणार आहे. खुल्या गटासाठी ५०० रुपये अधिक जीएसटी, तर राखीव गटासाठी ३०० रुपये अधिक जीएसटी एवढी फी असणार आहे. अर्जासाठी २६ डिसेंबरपर्यंत मुदत देण्यात आली आहे. कागदपत्रांच्या तपासणीनंतर संबंधितांना गुणवत्तेनुसार नियुक्तीपत्र दिले जाणार आहे. अधिक माहितीसाठी उमेदवारांनी संकेतस्थळावरील जाहिरात पाहून अर्ज करण्याचे आवाहन कंपनीने केले आहे.