मुंबई, ता. ७ : मुंबई सत्र न्यायालयाने हत्या करणाऱ्याला जन्मठेपेची शिक्षा तसेच पाच हजारांचा दंड ठोठावला आहे. राजेश बोरीचा असे आरोपीचे नाव आहे. पत्नीला शिवीगाळ करण्यावरून विनोद मोखरा याने त्याचा साडू राजेशला जाब विचारला होता. याच रागातून राजेशने विनोदला बेदम मारहाण करत चाकूने वार केले. या घटनेत विनोदचा मृत्यू झाला. याप्रकरणी आग्रीपाडा पोलिसांनी राजेश बोरीच्या विरोधात कलम ३०२ अंतर्गत गुन्हा दाखल करून अटक केली. त्याबाबतचा खटला सत्र न्यायालयाचे न्या. एन.जी. शुक्ला यांच्यासमोर झाली. यावेळी आरोपीला दोषी ठरवताना न्यायालयाने जन्मठेपेची शिक्षा सुनावली, तसेच पाच हजारांचा दंडही ठोठावला.