भेंडी बाजारात रिकामी इमारत कोसळली

मुंबई : भेंडी बाजारात चार मजली इमारत कोसळल्याची घटना गुरुवारी (ता. १२) मध्यरात्री घडली. ही इमारत धोकादायक ठरल्याने काही महिन्यांपासून रिकामीच होती. यामुळे या घटनेत कोणत्याही प्रकारची दुखापत झालेली नाही. ४० तन तानपुरा स्ट्रीट, निसान पाडा, खोजा जमात खाना या ठिकाणी हुसैनीबाई इमारत होती. ही तळ अधिक चार मजल्यांची जुनी इमारत गुरुवारी रात्री १२ वाजण्याच्या सुमारास कोसळली. या घटनेची माहिती मिळताच अग्निशमन दलाच्या पथकाने घटनास्थळी धाव घेतली; मात्र इमारत रिकामी असल्याने दुखापत किंवा जीवितहानी टळली.