मालमत्तेच्या वादातून गोळीबार?
मुंबई, ता. १० : गुन्हेगारी पार्श्वभूमी असलेल्या सदरुद्दीन खान यांच्यावरील गोळीबार पश्चिम उपनगरातील एका मालमत्तेवरून घडल्याचा संशय पोलिसांना आहे. याव्यतिरिक्त वैयक्तिक आयुष्य, गुन्हेगारी जगतातील वैमनस्य आदी दृष्टिकोनातूनही तपास सुरू असल्याचे सांगण्यात आले. स्थानिक पोलिसांसह गुन्हे शाखेने काही संशयितांना ताब्यात घेत चौकशी केल्याचे समजते. आरोपींना अटक करण्यासाठी विविध पोलिस पथके प्रयत्नशील आहेत, अशी माहिती सहपोलिस आयुक्त सत्यनारायण चौधरी यांनी माध्यमांना दिली.